კონფიდენციალურობის პოლიტიკა

ვინ ვართ

მონაცემებს ამუშავებს ნიკა სურმანიძე (ფიზიკური პირი), მისამართი: დავით აღმაშენებლის 56, ბათუმი 6000, საქართველო.

კითხვებისთვის: dliveqartuli@gmail.com.

რას ვაგროვებთ და რატომ

ტელეფონის ნომერი

ავტორიზაცია და კურიერის ზარი. ეს ერთადერთი სავალდებულო მონაცემია — პაროლი არ გვაქვს, შესვლა SMS-კოდით ხდება.

სახელი და ელფოსტა

არასავალდებულო. სახელი კურიერს ეხმარება, ელფოსტა — მხოლოდ თუ თვითონ მიუთითებ.

მიტანის მისამართი

ქუჩა, სადარბაზო, სართული, ბინა, დომოფონის კოდი და შენიშვნა. ეს ველები კარის პოვნას წყვეტს, არა მარკეტინგს.

მდებარეობა (არასავალდებულო)

მხოლოდ მაშინ, როცა ჩექაუთზე „ჩემი მდებარეობის“ ღილაკს დააჭერ. ვინახავთ კოორდინატს მისამართთან ერთად, რომ კურიერმა ზუსტი წერტილი ნახოს. აპი შენს მოძრაობას არ თვალყურობს.

შეკვეთები

რა შეუკვეთე, რა ფასად, როდის და სად მიგივიდა. ეს ერთდროულად შენი ისტორიაა და მაღაზიის საბუღალტრო ჩანაწერი.

გადახდა

ბარათის ნომერს არ ვინახავთ და არც ვხედავთ — გადახდა ბანკის გვერდზე ხდება. ჩვენთან რჩება მხოლოდ ბოლო ციფრები, თანხა და ბანკის ტრანზაქციის ნომერი.

შეტყობინებები

თუ ჩართავ, ბრაუზერის გამოწერის მისამართი და მოწყობილობის აღწერა — რომ „კურიერი კართანაა“ სწორ ტელეფონზე მივიდეს.

მიწოდების ფოტო

კურიერს შეუძლია კართან დატოვებული შეკვეთა გადაიღოს. ეს დავის შემთხვევაში მტკიცებულებაა; ფოტოზე შენი კარი ჩანს.

ტექნიკური ჩანაწერები

SMS-კოდის მოთხოვნისას ვინახავთ IP-მისამართს — მხოლოდ იმისთვის, რომ ერთმა ვინმემ ასობით კოდი არ გამოითხოვოს და მაღაზიის ბალანსი არ დაცალოს.

კოდს, რომელსაც SMS-ით იღებ, ღიად არ ვინახავთ — ბაზაში მისი კრიპტოგრაფიული ანაბეჭდი წერია, აქვს ვადა და რამდენიმე მცდელობის შემდეგ კვდება.

ვის გადაეცემა

მონაცემებს არ ვყიდით და სარეკლამო ქსელებს არ ვუზიარებთ. გადაეცემა მხოლოდ იმას, ვის გარეშეც შეკვეთა არ შესრულდება:

SMS-პროვაიდერი

შენი ნომერი და კოდი — რომ შეტყობინება მოვიდეს.

ბანკი (BOG)

თანხა და შეკვეთის ნომერი. ბარათის მონაცემები პირდაპირ ბანკს მიდის, ჩვენ გვერდის ავლით.

შეტყობინების სერვისი

Google-ის ან Mozilla-ს სერვისი, ბრაუზერის მიხედვით — შეტყობინების ტექსტი და გამოწერის მისამართი.

OpenStreetMap

მხოლოდ თუ „ჩემი მდებარეობის“ ღილაკს გამოიყენებ: კოორდინატი მიდის OpenStreetMap-ის სერვისზე, რომ ქუჩის სახელად გადაითარგმნოს.

რამდენ ხანს ვინახავთ

• ანგარიში — სანამ თვითონ არ წაშლი.
• შეკვეთების ისტორია — 6 წელი. დახურული შეკვეთა საბუღალტრო ჩანაწერია, ამიტომ ანგარიშის წაშლის შემდეგაც რჩება, უკვე შენს სახელსა და ნომერზე მიბმის გარეშე.
• მიწოდების ფოტოები — 90 დღე.
• SMS-კოდები — წუთებში ქრება; ვადაგასული კოდი აღარ მუშაობს.

შენი უფლებები

შეგიძლია ნახო, შეასწორო ან წაშალო შენი მონაცემები. სახელი, ელფოსტა და მისამართები ჩემს ანგარიშში იცვლება; ანგარიშის წაშლა აღწერილია ცალკე გვერდზე.

ბავშვები

აპლიკაცია 16 წლამდე ასაკის მომხმარებლისთვის არ არის და მიზანმიმართულად არ ვაგროვებთ მათ მონაცემებს. ალკოჰოლის და თამბაქოს შეკვეთისას კურიერი პირადობას ამოწმებს.

ცვლილებები

თუ პოლიტიკა შეიცვლება, განახლებული ტექსტი ამავე მისამართზე გამოჩნდება. არსებითი ცვლილება აპლიკაციაშივე გეცნობება.